ന്യൂഡൽഹി: മതേതരം എന്ന വാക്ക് സ്വാതന്ത്ര്യം കിട്ടിയ നാൾ മുതൽ ഉപയോഗിക്കുന്ന വലിയൊരു നുണയാണെന്ന്​ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്​. അത് ഉപയോഗിക്കുന്നവര്‍ ജനങ്ങളോട് മാപ്പ് പറയണമെന്നും അദ്ദേഹം ആവശ്യപ്പെട്ടു.

‘സ്വാതന്ത്ര്യം മുതൽ ഉപയോഗിക്കുന്ന വൻ നുണയാണ്​ മതേതരം എന്ന വാക്ക്​. ഈ നുണക്ക്​ ജന്മം നൽകിയവരും അത്​ ഉപയോഗിക്കുന്നവരും ജനങ്ങളോട് മാപ്പ്​ പറയണം. ഒരു സമൂഹത്തിനും മതേതരമാകാൻ സാധിക്കില്ല. രാഷ്​ട്രീയ വ്യവസ്​ഥക്ക്​ നിഷ്​പക്ഷമായി തുടരാം. യുപിയിൽ 22 കോടി ജനങ്ങളുടെ സുരക്ഷയുടെയും മറ്റും ഉത്തരവാദിത്തം തനിക്കാണ്​. പ​ക്ഷെ, താനിവി​ടെ ഇരിക്കുന്നത്​ ഏതെങ്കിലും സമുദായത്തെ നശിപ്പിക്കാനല്ല. നിങ്ങൾക്ക്​ പക്ഷം പിടിക്കാതിരിക്കാം, പക്ഷേ മതേതരനാകാനാകില്ല’, യോഗി ആദിത്യനാഥ്​ പറഞ്ഞു.

രാജ്യദ്രോഹത്തോളം കുറ്റകരമാണ് ചരിത്രത്തെ വളച്ചൊടിക്കലെന്നും അദ്ദേഹം പറഞ്ഞു. റായ്​പൂരിലെ ദൈനിക്​ ജാഗരൺ ഗ്രൂപ്പ്​ സംഘടിപ്പിച്ച പരിപാടിക്കിടെ വർഗീയത- മതേതരത്വം എന്നീ വിഷയങ്ങളെ കുറിച്ചുള്ള ചോദ്യത്തോട്​ പ്രതികരിക്കുകയായിരുന്നു യുപി മുഖ്യമന്ത്രി.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ