ഹൈദരാബാദ്: പ്രമുഖ ദലിത് എഴുത്തുകാരന്‍ കാഞ്ച ഇലയ്യയെ ശനിയാഴ്ച അധികൃതര്‍ വീട്ടുതടങ്കലിലാക്കി. വിജയവാഡയില്‍ പൊതുസമ്മേളനത്തില്‍ പ്രസംഗിക്കുന്നത് തടയാനായിരുന്നു നടപടി. സമ്മേളനത്തില്‍ പങ്കെടുക്കാന്‍ വിജയവാഡ പൊലീസ് ഇലയ്യക്ക് അനുമതി നിഷേധിച്ചിരുന്നു.

സമ്മേളനത്തിന്​ അനുമതിയില്ലെന്നും പ​ങ്കെടുക്കാൻ വീട്ടിൽനിന്ന്​ ഇറങ്ങിയാൽ അറസ്​റ്റ്​ ചെയ്യുമെന്നും ഹൈദരാബാദ്​ തർനാക പൊലീസ്​ ഇലയ്യയെ​ അറിയിക്കുകയായിരുന്നു. ‘വൈശ്യർ സാമൂഹിക കൊള്ളക്കാർ’ എന്ന പുസ്​തകത്തി​​​​ന്റെ​ പേരിൽ ആര്യവൈശ്യസമുദായം കാഞ്ച ​ഇലയ്യ​ക്കെതിരെ വൻ പ്രതിഷേധത്തിലാണ്​. ഈയിടെ അദ്ദേഹത്തി​​​​ന്റെ കാർ തടഞ്ഞ്​ ആക്രമിക്കുകയും ചെയ്​തിരുന്നു.

എന്നാൽ, പുസ്​തകം നി​രോധിക്കാനുള്ള ഹരജി സുപ്രീംകോടതി തള്ളിയിരുന്നു. വീട്ടുതടങ്കലിലാക്കിയ വിവരമറിഞ്ഞ്​ നൂറുകണക്കിന്​ പേർ അദ്ദേഹത്തിന്​ പിന്തുണ പ്രഖ്യാപിച്ച്​ വീടിനുചുറ്റും തടിച്ചുകൂടി.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ