ന്യൂഡൽഹി: മഹാസഖ്യത്തെ പിളർത്തി നിതീഷ് കുമാർ എൻഡിഎ സഖ്യത്തിനെ കൂട്ടുപിടിച്ച് ബിഹാർ മുഖ്യമന്ത്രിയായി സത്യപ്രതിജ്ഞ ചെയ്തതിന് പിന്നാലെ ആർജെഡി നേതാവ് ലാലു പ്രസാദ് യാദവിനെതിരെ പുതിയ കേസ്. സാമ്പത്തിക ക്രമക്കേടിലാണ് ലാലുവിനെതിരെ എൻഫോഴ്സ്മെന്‍റ് ഡയറക്ടറേറ്റ് പുതിയ കേസെടുത്തത്.

ലാലുപ്രസാദ്​ യാദവ്​ റെയിൽവേ മന്ത്രിയായിരിക്കു​ന്പോൾ റെയിൽവേ കാറ്ററിംഗ്​ കരാർ സ്വകാര്യ ഹോട്ടലിനു നൽകി എന്ന കേസിലാണ്​ ലാലുവിനും ഭാര്യ റാബ്​റി ദേവിക്കും മകൻ ​തേജസ്വി യാദവിനുമെതിരെ സിബിഐ കേസ് രജിസ്റ്റർ ചെയ്തതിരിക്കുന്നത്. ഇതുമായി ബന്ധപ്പെട്ട്​ ജൂലൈ ഏഴിന്​ ലാലുവി​​​ന്റെയും മക​ൻ തേജസ്വിയുടെയും വീട്ടിൽ സിബി.ഐ പരിശോധന നടത്തിയിരുന്നു.

ഇന്നലെയാണ് ബിഹാര്‍ മുഖ്യമന്ത്രി നിതീഷ് കുമാര്‍ രാജിവെച്ചത്. അഴിമതി ആരോപണ വിധേയനായ ഉപ മുഖ്യമന്ത്രി തേജസ്വി യാദവ് സ്ഥാനമൊഴിയാത്ത സാഹചര്യത്തിലാണ് ജെ.ഡി.യു നേതാവ് രാജിവെച്ചത്. ബിജെപി പിന്തുണയോടെ ഇന്ന് നിതീഷ് മുഖ്യമന്ത്രിയായി സത്യപ്രതിജ്ഞ ചെയ്യുകയും ചെയ്തു.

നേരത്തെ ജെ​ഡി​യു അ​ധ്യ​ക്ഷ​നാ​യി​രു​ന്ന നി​തീ​ഷ് കു​മാ​ർ ആ​ർ​ജെ​ഡി​യു​ടെ​യും കോ​ണ്‍​ഗ്ര​സി​ന്‍റെ​യും പി​ന്തു​ണ​യോ​ടെ​യാ​ണ് മ​ന്ത്രി​സ​ഭ രൂ​പീ​ക​രി​ച്ച​ത്. ആ​ർ​ജെ​ഡി​ക്ക് എ​ണ്‍​പ​തും ജെ​ഡി​യു​വി​ന് എ​ഴു​പ​ത്തൊ​ന്നും അം​ഗ​ങ്ങ​ളാ​ണ് നി​യ​മ​സ​ഭ​യി​ലു​ള്ള​ത്.

ഇതിനിടെ ബി​ഹാ​ർ മു​ഖ്യ​മ​ന്ത്രി സ്ഥാ​നം രാ​ജി​വ​ച്ച നി​തീ​ഷ് കു​മാ​റി​നെ അ​ഭി​ന​ന്ദി​ച്ച് പ്ര​ധാ​ന​മ​ന്ത്രി ന​രേ​ന്ദ്ര മോ​ദി രംഗത്തെത്തിയിരുന്നു. അ​ഴി​മ​തി​ക്കെ​തി​രാ​യ പോ​രാ​ട്ട​ത്തി​ൽ അ​ണി​ചേ​രു​ന്ന​തി​ന് അ​ഭി​ന​ന്ദ​ന​മെ​ന്നാ​യി​രു​ന്നു മോ​ദി​യു​ടെ ട്വീ​റ്റ്. അ​ദ്ദേ​ഹ​ത്തി​ന്‍റെ തീ​രു​മാ​ന​ത്തെ രാ​ജ്യ​ത്തെ നൂ​റു​കോ​ടി ജ​ന​ങ്ങ​ൾ സ്വാ​ഗ​തം ചെ​യ്യു​ന്ന​തി​നോ​ടൊ​പ്പം അ​ദ്ദേ​ഹ​ത്തി​ന്‍റെ സ​ത്യ​സ​ന്ധ​ത​യെ പി​ന്തു​ണ​യ്ക്കു​ന്നുവെന്നും മോദി അറിയിച്ചു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ