ന്യൂ​ഡ​ൽ​ഹി: മാ​ധ്യ​മപ്രവർത്തകരോട് സം​സാ​രി​ക്കു​ന്ന​തി​നി​ടെ സെ​ൽ​ഫി എ​ടു​ക്കാ​ൻ വ​ന്ന വി​ദ്യാ​ർ​ഥി​യു​ടെ ഫോ​ൺ ത​ട്ടി​ത്തെ​റി​പ്പി​ച്ച് ക​ര്‍​ണാ​ട​ക മ​ന്ത്രി. സം​സ്ഥാ​ന​ത്തെ വൈ​ദ്യു​തി​മ​ന്ത്രി​യും മു​തി​ര്‍​ന്ന കോ​ണ്‍​ഗ്ര​സ് നേ​താ​വു​മാ​യ ഡി.​കെ. ശി​വ​കു​മാ​റാ​ണ് വി​ദ്യാ​ർ​ഥി​യുടെ ഫോൺ അടിച്ചു തെറിപ്പിച്ചത്.

ബെല്‍ഗാം കോളേജില്‍ ബാലാവകാശ പരിപാടിയില്‍ പങ്കെടുക്കാനെത്തിയതായിരുന്നു മന്ത്രി. ചടങ്ങില്‍ മാധ്യമങ്ങളോട് സംസാരിക്കുന്നതിനിടയില്‍ തന്റെ പിന്നില്‍ നിന്ന് സെല്‍ഫിയെടുക്കാന്‍ ശ്രമിച്ച വിദ്യാര്‍ഥിക്ക് നേരെ മന്ത്രി കൈയ്യോങ്ങുകയായിരുന്നു. വിദ്യാര്‍ഥിയുടെ കൈയ്യില്‍ മന്ത്രി വീശിയടിക്കുന്നതും സെല്‍ഫിയെടുക്കാന്‍ ശ്രമിച്ച മൊബൈല്‍ തെറിച്ചു വീഴുന്നതും ദൃശ്യങ്ങളില്‍ കാണാം. ഇ​തി​നു​ശേ​ഷം മ​ന്ത്രി മാ​ധ്യ​മ​ങ്ങ​ളു​മാ​യി സം​സാ​രം തു​ട​രു​ക​യും ചെ​യ്തു.

വീ​ഡി​യോ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ച​തോ​ടെ ന്യാ​യീ​ക​ര​ണ​വു​മാ​യി മ​ന്ത്രി രം​ഗ​ത്തെ​ത്തി. താ​ൻ മാ​ധ്യ​മ​ങ്ങ​ളെ അ​ഭി​മു​ഖീ​ക​രി​ക്കു​ന്ന​തി​നി​ടെ എ​ങ്ങ​നെ​യാ​ണ് ഒ​രാ​ൾ​ക്ക് സെ​ൽ​ഫി എ​ടു​ക്കാ​ൻ സാ​ധി​ക്കു​ക‍, സ​മാ​ന്യ ബോ​ധം ഉ​ണ്ടോ​യെ​ന്നും മ​ന്ത്രി ചോ​ദി​ച്ചു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ