ന്യൂഡല്‍ഹി: കർണാടക തിരഞ്ഞെടുപ്പിൽ​ തുടക്കം മുതൽ തുടരുന്ന ട്വിസ്റ്റ് വീണ്ടും ആവർത്തിക്കുന്നു. കോൺഗ്രസ് എംഎൽഎയ്ക്ക് പണം വാഗ്‌ദാനം ചെയ്യുന്നത ിന്റെ ശബ്ദരേഖ പുറത്ത്. റയ്ച്ചൂർ റൂറൽ എംഎൽഎ ബാസനഗൗഡ ദഡല്ലയ്ക്ക്,  ജനാർദൻ റെഡ്ഡി  വൻ തുക വാഗ്‌ദാനം ചെയ്തുവെന്നാണ് ശബ്ദരേഖയെ അടിസ്ഥാനമാക്കി കോൺഗ്രസ് ആരോപിച്ചത്.

ബി ജെപി ബന്ധമുള്ള നേതാവായ ജനാർദൻ റെഡ്ഡി കർണാടകയിലെ ഏറ്റവും ധനവാനായ രാഷ്ട്രീയ നേതാക്കളിലൊരാളാണ്.  ബെല്ലാരിയുടെ ഇരുമ്പയിര് വ്യാപാരവുമായി ബന്ധപ്പെട്ട് റെഡ്ഡിയുടെ സ്ഥാപനം ആരോപണത്തിന്റെ നിഴലിലാണ്. ഇത്തവണ തിരഞ്ഞെടുപ്പ് വേളയിൽ   ബെല്ലാരിയിൽ പ്രചാരണം നടത്താൻ അനുമതി തേടി ജനാർദൻ റെഡ്ഡി സുപ്രീം കോടതിയെ സമീപിച്ചിരുന്നുവെങ്കിലും കോടതി അനുമതി നൽകിയിരുന്നില്ല.

കർണാടക നിയമസഭ തിരഞ്ഞെടുപ്പിന് ശേഷം അധികാരത്തർക്കം വീണ്ടും കോടതി കയറുന്നു. വിരാജ് പേട്ടയിൽ നിന്നുളള​ എംഎൽഎയായ ബൊപ്പയ്യയെ പ്രോ ടേം സ്‌പീക്കറാക്കിയ നടപടി കീഴ്‌വഴക്കം തെറ്റിച്ചാണ് എന്ന് ആരോപിച്ചാണ് കോൺഗ്രസ് കോടതിയെ സമീപിക്കാൻ ഒരുങ്ങുന്നത്. തിരഞ്ഞെടുക്കപ്പെട്ട  എംഎൽഎമാരിൽ മുതിർന്നായളെ പ്രോ ടേം സ്‌പീക്കറാക്കുകയെന്ന കീഴ്‌വഴക്കം മറികടന്നാണ് ഈ നിയമനമെന്നാണ് പരാതി.

ക​ർ​ണാ​ട​ക​യി​ലെ ഏ​കാം​ഗ സ​ർ​ക്കാ​രി​നു ദീ​ർ​ഘാ​യു​സ്സ് ഉ​ണ്ടോ​യെ​ന്ന​ കാ​ര്യ​ത്തി​ൽ ശനിയാഴ്‌ച തീരുമാനമാകും. ബിജെപിയുടെ വാദങ്ങള്‍ തളളിയ സുപ്രീം കോടതി ശനിയാഴ്‌ച സഭയില്‍ ഭൂരിപക്ഷം തെളിയിക്കാനാണ് നിര്‍ദേശിച്ചത്. ബി.​എ​സ്.​യെ​ഡി​യൂ​ര​പ്പ സ​ർ​ക്കാ​രി​നെ​തി​രെ കോ​ൺ​ഗ്ര​സും ജെ​ഡി​എ​സും സ​മ​ർ​പ്പി​ച്ച ഹ​ർ​ജി​യി​ലാണ് സു​പ്രീം​ കോ​ട​തി നടപടി. നാളെ വൈകുന്നേരം 4 മണിക്ക് വിശ്വാസ വോട്ടെടുപ്പ് നടത്താനാണ് കോടതിയുടെ ഉത്തരവ്.

ചീഫ് സെക്രട്ടറിയുമായി കൂടിക്കാഴ്‌ച നടത്തി നാളെ സഭ ചേരാനുളള നടപടികള്‍ കൈക്കൊളളുമെന്നും ഭൂരിപക്ഷം തെളിയിക്കാന്‍ പറ്റുമെന്ന് 100 ശതമാനം ആത്മവിശ്വാസം ഉണ്ടെന്നും കര്‍ണാടക മുഖ്യമന്ത്രി ബി.എസ്.യെഡിയൂരപ്പ പറഞ്ഞു. ചരിത്രപരമായ വിധിയാണ് സുപ്രീം കോടതിയുടേതെന്ന് കോണ്‍ഗ്രസ് അഭിഭാഷകന്‍ അഭിഷേക് സിങ്‍വി പ്രതികരിച്ചു. മ​ന്ത്രി​സ​ഭ ഉ​ണ്ടാ​ക്കാ​ൻ അ​വ​കാ​ശ​മു​ന്ന​യി​ച്ചു ഗ​വ​ർ​ണ​ർ​ക്ക് യെ​ഡിയൂ​ര​പ്പ നൽകിയ ക​ത്തു​ക​ൾ ​കോ​ട​തി പ​രി​ശോ​ധിച്ചിരുന്നു. എന്നാല്‍ ബിജെപി കോടതിയില്‍ നല്‍കിയ രണ്ട് കത്തുകളില്‍ പിന്തുണ ഉളള എംഎല്‍എമാരുടെ പേരുകളില്ല.

നിയമസഭയില്‍ ഭൂരിപക്ഷം തെളിയിക്കാം എന്നാണ് റോഹ്ത്തഗി കോടതിയെ അറിയിച്ചത്. എംഎല്‍എമാരുടെ പട്ടിക കോടതിയെ കാണിക്കേണ്ടതില്ലെന്നും റോഹ്ത്തഗി പറഞ്ഞു. എന്നാല്‍ ഇതിനെതിരെ സുപ്രീം കോടതി വിമര്‍ശനം ഉന്നയിച്ചു. കോണ്‍ഗ്രസ്- ജെഡിഎസ് സഖ്യം ഹാജരാക്കിയ രേഖയില്‍ വ്യക്തമായ ഭൂരിപക്ഷമുണ്ടെന്നും പിന്തുണയുളള എംഎല്‍എമാരുടെ പേരുകള്‍ ഉണ്ടെന്നും ജസ്റ്റിസ് എ.കെ.സിക്രി അദ്ധ്യക്ഷനായ ബെഞ്ച് ചൂണ്ടിക്കാട്ടി. എന്നാല്‍ ഇതില്‍ പല എംഎല്‍എമാരുടേയും ഒപ്പ് വ്യാജമാണെന്നാണ് ബിജെപിയുടെ വാദം. എന്നാല്‍ കത്തില്‍ എംഎല്‍എമാരുടെ ഒപ്പില്ല എന്നാണ് കര്‍ണാടക ഗവര്‍ണര്‍ക്കായി ഹാജരായ തുഷാര്‍ മെഹ്ത അറിയിച്ചു.

ക​ർ​ണാ​ട​ക​യി​ൽ ബി.എ​സ്.യെ​ഡിയൂ​ര​പ്പ​യു​ടെ നേ​തൃ​ത്വ​ത്തി​ലു​ള്ള ബി​ജെ​പി സ​ർ​ക്കാ​രി​ന് ഭൂ​രി​പ​ക്ഷ​മു​ണ്ടെ​ന്നും റോഹ്ത്തഗി വാദിച്ചു. എന്നാല്‍ ഭൂരിപക്ഷമില്ലാത്ത കക്ഷിയെ എന്തിനാണ് ഗവര്‍ണര്‍ സര്‍ക്കാരുണ്ടാക്കാന്‍ ക്ഷണിച്ചതെന്ന് കോടതി ചോദിച്ചു. തുടര്‍ന്ന് ശനിയാഴ്‌ച സഭയില്‍ ബിജെപി ഭൂരിപക്ഷം തെളിയിക്കണമെന്ന് കോടതി അറിയിച്ചു. നാളെ ഒരു ദിവസം കൊണ്ട് ഭൂരിപക്ഷം തെളിയിക്കാനാണ് കോടതി നിര്‍ദേശിച്ചത്. എന്നാല്‍ തങ്ങള്‍ക്ക് നാളെ വിശ്വാസവോട്ട് നടത്താനാവില്ലെന്നാണ് ബിജെപി കോടതിയെ അറിയിച്ചത്. കൂടുതല്‍ സമയം വേണമെന്നും ബിജെപിക്ക് വേണ്ടി ഹാജരായ അ​ഭി​ഭാ​ഷ​ക​നും മു​ൻ അ​റ്റോ​ർ​ണി ജ​ന​റ​ലു​മാ​യ മു​കു​ൾ റോഹ്ത്തഗി അറിയിച്ചു. എന്നാല്‍ കോണ്‍ഗ്രസ് ഇതിനെ ഖണ്ഡിച്ചു. നാളെ തന്നെ വിശ്വാസ വോട്ടെടുപ്പ് നടത്തണമെന്ന് കോണ്‍ഗ്രസ് ആവശ്യപ്പെട്ടു.

ഭൂരിപക്ഷം ആദ്യം തെളിയിച്ചതിന് ശേഷം ഗവര്‍ണറുടെ വിവേചനാധികാരത്തെ കുറിച്ച് പരിശോധിക്കാമെന്നും കോടതി അറിയിച്ചു. ബിജെപി സര്‍ക്കാര്‍ അധികാരത്തിലേറിയ സാഹചര്യത്തില്‍ അവര്‍ക്ക് തന്നെയാവും ഭൂരിപക്ഷം തെളിയിക്കാന്‍ അവസരം നല്‍കുക. എംഎല്‍എമാര്‍ക്ക് ഭയം കൂടാതെ വോട്ട് ചെയ്യാനുളള അവസരം ഒരുക്കണമെന്ന് കോൺഗ്രസ് കോടതിയോട് ആവശ്യപ്പെട്ടു. സഭയില്‍ നടക്കുന്ന വിശ്വാസവോട്ടെടുപ്പ് സുപ്രീം കോടതിയുടെ പരിശോധനയിലായിരിക്കും നടക്കുക. എങ്കില്‍ രഹസ്യ വോട്ടെടുപ്പ് നടക്കട്ടേയെന്ന് എജി കെ.കെ.വേണുഗോപാല്‍ ആവശ്യപ്പെട്ടെങ്കിലും കോടതി ഇത് നിരസിച്ചു.

സ​ത്യ​പ്ര​തി​ജ്ഞ സ്റ്റേ ​ചെ​യ്യാ​ൻ ഇ​ന്ന​ലെ പു​ല​ർ​ച്ചെ 5.30-ന് ​സു​പ്രീം​ കോ​ട​തി വി​സ​മ്മ​തി​ച്ചി​രു​ന്നു. എ​ന്നാ​ൽ സ​ത്യ​പ്ര​തി​ജ്ഞ​യും മ​ന്ത്രി​സ​ഭാ രൂ​പീ​ക​ര​ണ​വും കോ​ട​തി വി​ധി​ക്കു വി​ധേ​യ​മാ​യി​രി​ക്കു​മെ​ന്നു പാ​തി​രാ​ത്രി​ക്കു ശേ​ഷം കേ​സ് വാ​ദം കേ​ട്ട മൂ​ന്നം​ഗ സു​പ്രീം​ കോ​ട​തി ബെ​ഞ്ച് പ​റ​ഞ്ഞി​രു​ന്നു.

കോണ്‍​ഗ്ര​സി​നും ജെ​ഡി​എ​സി​നും വേ​ണ്ടി ഹാ​ജ​രാ​യ മ​നു അ​ഭി​ഷേ​ക് സിങ്‌വി തു​ട​ക്ക​ത്തി​ൽ ഗ​വ​ർ​ണ​റു​ടെ വാ​ദം റ​ദ്ദാ​ക്ക​ണ​മെ​ന്നു വാ​ദ​മു​ന്ന​യി​ച്ചു. ഒ​ടു​വി​ൽ ബി.​എ​സ്.​യെഡി​യൂ​ര​പ്പ​യു​ടെ സ​ത്യ​പ്ര​തി​ജ്ഞ അ​നു​വ​ദി​ക്ക​രു​തെ​ന്ന വാ​ദ​ത്തി​ലേ​ക്കു മാ​ത്ര​മാ​യി ഒ​തു​ങ്ങുകയായിരുന്നു.

കേ​വ​ല ഭൂ​രി​പ​ക്ഷം നേ​ടി​യ​വ​രെ​യോ അ​ല്ലെ​ങ്കി​ൽ ഏ​റ്റ​വും വ​ലി​യ പാ​ർ​ട്ടി​ക​ളു​ടെ തി​ര​ഞ്ഞെ​ടു​പ്പി​ന് മു​ൻ​പു​ള്ള സ​ഖ്യ​ത്തെ​യോ ക്ഷ​ണി​ക്ക​ണം. മൂ​ന്നാ​മ​ത്തെ പ​രി​ഗ​ണ​ന ന​ൽ​കേ​ണ്ട​ത് തി​ര​ഞ്ഞെ​ടു​പ്പി​ന് ശേ​ഷ​മു​ള്ള സ​ഖ്യ​ത്തി​നാ​ണ്. ഇ​തൊ​ന്നും ഇ​ല്ലെ​ങ്കി​ൽ മാ​ത്ര​മേ ഏ​റ്റ​വും വ​ലി​യ ഒ​റ്റ​ക​ക്ഷി​യെ ക്ഷ​ണി​ക്കേ​ണ്ട​തു​ള്ളൂ. ഫ​ല​ത്തി​ൽ നാ​ലാ​മ​ത്തെ ആ​ളെ​യാ​ണ് ഗ​വ​ർ​ണ​ർ ഇ​പ്പോ​ൾ വി​ളി​ച്ചി​രി​ക്കു​ന്ന​ത്. ഒ​രു തി​ര​ഞ്ഞെ​ടു​പ്പ് അ​ന​ന്ത​ര സ​ഖ്യ​ത്തി​ന് മ​തി​യാ​യ ഭൂ​രി​പ​ക്ഷം ഉ​ണ്ടാ​യി​രി​ക്കെ മ​റ്റൊ​രു പാ​ർ​ട്ടി​യെ സ​ർ​ക്കാ​ർ ഉ​ണ്ടാ​ക്കാ​ൻ ക്ഷ​ണി​ച്ച ഗ​വ​ർ​ണ​ർ വാ​ജു​ഭാ​യ് വാ​ല​യു​ടെ ന​ട​പ​ടി ഭ​ര​ണ​ഘ​ട​ന​യ്ക്കും മു​ൻ സു​പ്രീം​ കോ​ട​തി വി​ധി​ക​ൾ​ക്കും വി​രു​ദ്ധ​മാ​ണെ​ന്നും അ​ഭി​ഷേ​ക് സിങ്‌വി വ്യ​ക്ത​മാ​ക്കി. ഇത് സംശയകരമാണെന്നും അദ്ദേഹം വാദിച്ചു.

ഇ​തി​നു മ​റു​വാ​ദ​മു​യ​ർ​ത്തി​യ അ​റ്റോ​ർ​ണി ജ​ന​റ​ൽ കെ.​കെ.​വേ​ണു​ഗോ​പാ​ലും ബി​ജെ​പി​ക്കു വേ​ണ്ടി ഹാ​ജ​രാ​യ മു​ൻ അ​റ്റോ​ർ​ണി ജ​ന​റ​ൽ മു​കു​ൾ റോഹ്ത്തഗി​യും സ​ത്യ​പ്ര​തി​ജ്ഞ മാ​റ്റി​വ​യ്ക്ക​രു​തെ​ന്ന് നി​ല​പാ​ട് സ്വീ​ക​രി​ച്ചു. നി​ല​വി​ലെ പ്ര​ശ്ന​ങ്ങ​ൾ​ക്കൊ​ണ്ട് ആ​കാ​ശ​മൊ​ന്നും ഇ​ടി​ഞ്ഞു​വീ​ഴി​ല്ലെ​ന്നും റോഹ്ത്തഗി പ​റ​ഞ്ഞു. ഇ​ത് ചോ​ദ്യം ചെ​യ്ത കോ​ട​തി, ഭൂ​രി​പ​ക്ഷം തെ​ളി​യി​ക്കാ​ൻ 15 ദി​വ​സം അ​നു​വ​ദി​ച്ച​ത് എ​ന്തി​നെ​ന്ന് ചോ​ദി​ച്ചു. ഇ​തോ​ടെയാണ് ഈ കാലാവധി വെട്ടിച്ചുരുക്കിയത്.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ