അഹമ്മദാബാദ്: തിരഞ്ഞെടുപ്പ് അടുത്ത ഗുജറാത്തില്‍ കോണ്‍ഗ്രസിനെ കടന്നാക്രമിച്ച് പ്രധാനമന്ത്രി നരേന്ദ്രമോദി. ജ​നാ​ധി​പ​ത്യ​ത്തെ​ക്കു​റി​ച്ച് പ​റ​യു​ന്ന കോ​ൺ​ഗ്ര​സ് അ​വ​രു​ടെ കു​ടും​ബ​ത്തി​ൽ ആ​ദ്യം പ്രാ​വ​ർ​ത്തി​ക​മാ​ക്ക​ണ​മെ​ന്ന് അദ്ദേഹം പറഞ്ഞു. കോ​ൺ​ഗ്ര​സ് അ​ധ്യ​ക്ഷ സ്ഥാ​നം സോ​ണി​യ ഗാ​ന്ധി​യി​ൽ​നി​ന്നും രാ​ഹു​ൽ ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ടാ​യി​രു​ന്നു മോ​ദി​യു​ടെ വി​മ​ർ​ശ​നം. അധ്യക്ഷ സ്ഥാനം രാഹുല്‍ വഹിക്കുന്നതിനെതിരെ മഹാരാഷ്ട്രയില്‍ നിന്നുളള കോണ്‍ഗ്രസ് അംഗം ഷെഹസാദ് പൂനെവാല രംഗത്തെത്തിയതിന്റെ പശ്ചാത്തലത്തിലാണ് പ്രധാനമന്ത്രിയുടെ വിമര്‍ശനം.

‘പാര്‍ട്ടിക്ക് അകത്ത് ജനാധിപത്യം ഇല്ലാത്തവര്‍ എങ്ങനെയാണ് ജനങ്ങള്‍ക്ക് വേണ്ടി പ്രവര്‍ത്തിക്കുക. ഷെഹസാദ്, നിങ്ങള്‍ വളരെ ധീരമായാണ് മുന്നോട്ട് വന്നത്. നിര്‍ഭാഗ്യവശാല്‍ ഇതാണ് കോണ്‍ഗ്രസില്‍ സംഭവിക്കുന്നത്’, മോദി പറഞ്ഞു.

ജാ​തി​യു​ടെ​യും മ​ത​ത്തി​ന്‍റെ​യും പേ​രി​ൽ സ​മൂ​ഹ​ത്തെ വി​ഭ​ജി​ക്കാ​നാ​ണ് കോ​ൺ​ഗ്ര​സി​ന്‍റെ ശ്ര​മമെന്നും അദ്ദേഹം ആരോപിച്ചു. ഓ​രോ സ​മ​യ​ത്തും ഓ​രോ നി​റ​മാ​ണ് കോ​ൺ​ഗ്ര​സി​ന്. സ​ഹോ​ദ​ര​ങ്ങ​ൾ​ക്കി​ട​യി​ൽ അ​വ​ർ മ​തി​ൽ പ​ണി​യാ​ൻ ശ്ര​മി​ക്കു​ക​യാ​ണ്. പ​ര​സ്പ​രം പോ​ര​ടി​പ്പി​ച്ച് അ​തി​ൽ​നി​ന്നു നേ​ട്ടം കൊ​യ്യാ​നാ​ണു കോ​ൺ​ഗ്ര​സി​ന്‍റെ ശ്ര​മ​മെ​ന്നും അ​ദ്ദേ​ഹം പ​റ​ഞ്ഞു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ