അ​ഹ​മ്മ​ദാ​ബാ​ദ്: ഗോ​ര​ക്പു​ർ സം​ഭ​വ​ത്തി​നു പി​ന്നാ​ലെ വീ​ണ്ടും ആ​ശു​പ​ത്രി​യി​ൽ കൂ​ട്ട​ശി​ശു​മ​ര​ണം. ഇ​ത്ത​വ​ണ ബി​ജെ​പി ഭ​രി​ക്കു​ന്ന ഗു​ജ​റാ​ത്തി​ലെ അ​ഹ​മ്മ​ദാ​ബാ​ദി​ലാ​യി​രു​ന്നു സം​ഭ​വം. വെ​ള്ളി​യാ​ഴ്ച അ​ർ​ധ​രാ​ത്രി അ​ഹ​മ്മ​ദാ​ബാ​ദി​ലെ സ​ർ​ക്കാ​ർ ആ​ശു​പ​ത്രി​യി​ൽ ഒ​മ്പ​ത് ന​വ​ജാ​ത ശി​ശു​ക്കളാ​ണ് മ​രി​ച്ച​ത്. വാർത്താ ഏജൻസിയായ എഎൻഐ ആണ് വാർത്ത റിപ്പോർട്ട് ചെയ്യുന്നത്.

മരിച്ചതിൽ ആറ്​ കുട്ടികളെ ലുനാവാഡ, സുരേന്ദ്രനഗർ, മാനാസ, വീരമംഗം, ഹിമ്മത്​നഗർ എന്നിവടങ്ങളിലെ ആശുപത്രികളിൽ നിന്ന്​ വിദഗ്​ധ ചികിൽസക്കായാണ്​ അഹമ്മദാബാദിലെ ആശുപത്രിയിൽ എത്തിച്ചത്​. തൂക്കകുറവ്​,ശ്വാസതടസ്സം ഉൾപ്പടെ ഗുരുതര ആരോഗ്യപ്രശ്​നങ്ങൾ നേരിടുന്ന കുട്ടികളെയാണ്​ ഇവിടെ ചികിൽസക്കായി കൊണ്ടു വന്നത്​​.

സംഭവത്തെ തുടർന്ന്​ കനത്ത സുരക്ഷയാണ്​ പൊലീസ്​ ഏർപ്പെടുത്തിയിരിക്കുന്നത്​. കുട്ടികളുടെ ബന്ധുക്കൾ സംഘർഷമുണ്ടാക്കുമെന്ന്​ ഭയന്നാണ്​ പൊലീസ്​ സംരക്ഷണം ഏർപ്പെടുത്തിയിരിക്കുന്നത്​. നേരത്തെ യോഗി ആദിത്യനാഥി​​​ന്റെ ഉത്തർപ്രദേശിൽ നവജാത ശിശുക്കളുൾപ്പടെ അറുപതോളം കുട്ടികൾ മരണപ്പെട്ടത്​ വലിയ വിവാദമായിരുന്നു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ