പാ​രീ​സ്: കാ​മു​ക​നെ കാ​ണാ​ന്‍ ആഗ്രഹം മൂത്ത് കാമുകി നടത്തിയ തട്ടിക്കൊണ്ടുപോകല്‍ നാടകത്തിന് കനത്ത ശിക്ഷ. സംഭവത്തിനൊടുവില്‍ യു​വ​തി​ക്ക് ആ​റു മാ​സം ത​ട​വു​ശി​ക്ഷയാണ് ലഭിച്ചത്. ഫാ​ര്‍ റൈ​റ്റ് നാ​ഷ​ണ​ല്‍ ഫ്ര​ണ്ട് പ്ര​വ​ര്‍​ത്ത​ക​യാ​യ സാ​ന്‍​ഡി ഗെ​യി​ലാ​ര്‍​ഡി​ന്(25) ആ​ണ് ഫ്ര​ഞ്ച് കോ​ട​തി ശി​ക്ഷ വി​ധി​ച്ച​ത്. യുവതിയോട് 5,000 യൂ​റോ(3.79 ല​ക്ഷം രൂ​പ) പി​ഴ​യൊ​ടു​ക്ക​ണ​മെ​ന്നും മ​നഃ​ശ്ശാ​സ്‌​ത്ര​ജ്ഞ​നെ കാ​ണാ​ണ​മെ​ന്നും മെൻഡേയിലെ കോ​ട​തി ഉ​ത്ത​ര​വി​ട്ടു. യുവതിയെ കാണാനില്ലെന്ന് പരാതി ലഭിച്ചപ്പോള്‍ 50 സൈ​നി​ക​രും ഒ​രു ഹെ​ലി​കോ​പ്റ്റ​റും തെ​ര​ച്ചി​ലി​ന് ഇ​റ​ങ്ങി​യി​രു​ന്നു.

ഭ​ർ​ത്താ​വു​മാ​യി വി​വാ​ഹ ബ​ന്ധം വേ​ർ​പ്പെ​ടു​ത്തി പു​രു​ഷ സു​ഹൃ​ത്തി​നൊ​പ്പം ജീ​വി​ക്കു​ന്ന സാ​ൻ​ഡി മ​റ്റൊ​രു പു​രു​ഷ​നു​മാ​യി പ്ര​ണ​യ​ത്തി​ലാ​യി​രു​ന്നു. പു​തി​യ കാ​മു​ക​നെ കാ​ണാ​നു​ള്ള ആ​ഗ്ര​ഹം മൂ​ത്താ​ണ് ക​ഴി​ഞ്ഞ ജൂ​ണി​ൽ യു​വ​തി “നാ​ട​കം’ ക​ളി​ച്ച​ത്. ത​ന്നെ ക​റു​ത്ത കാ​റി​ൽ അജ്ഞാതർ ത​ട്ടി​ക്കൊ​ണ്ടു​പോ​യെ​ന്നും പ​റ​ഞ്ഞു യു​വ​തി പു​രു​ഷ സു​ഹൃ​ത്തി​ന് സ​ന്ദേ​ശം അ​യ​ച്ചു. ഇക്കാര്യം പോ​ലീ​സി​നെ അ​റി​യി​ച്ച​തോ​ടെ തെ​ര​ച്ചി​ൽ തു​ട​ങ്ങു​ക​യാ​യി​രു​ന്നു. എ​ന്നാ​ൽ അവർ വെ​റു​തെ വി​ട്ടു​വെ​ന്ന് പ​റ​ഞ്ഞു 24 മ​ണി​ക്കൂ​റി​ന് ശേ​ഷം യു​വ​തി തി​രി​ച്ചെ​ത്തി.

യു​വ​തി​യു​ടെ വാ​ക്കു​ക​ളി​ൽ പൊ​രു​ത്ത​ക്കേ​ട് തോ​ന്നി പോ​ലീ​സ് ചോ​ദ്യം ചെ​യ്ത​പ്പോ​ഴാ​ണ് കള്ളത്തരങ്ങൾ പു​റ​ത്തു​വ​ന്ന​ത്. ലീ ​പു ഇ​ൻ വെ​ലി​യി​ലു​ള്ള കാ​മു​ക​നൊ​പ്പം സ​മ​യം ചെ​ല​വ​ഴി​ക്കാ​നാ​ണ് താ​ൻ പോ​യ​തെ​ന്ന് യു​വ​തി സമ്മതിച്ചു. എന്നാൽ കാ​മു​ക​ന് ഇ​തി​ൽ പ​ങ്കി​ല്ലെ​ന്നും യു​വ​തി പ​റ​ഞ്ഞു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ