പനജി: പനജി നിയമസഭ മണ്ഡലത്തിലേക്ക് നടന്ന ഉപതിരഞ്ഞെടുപ്പില്‍ മുഖ്യമന്ത്രി മനോഹര്‍ പരീക്കറിന് ജയം. നാലായിരത്തിലധികം വോട്ടിന്‍റെ ഭൂരിപക്ഷത്തിലാണ് പരീക്കര്‍ ജയിച്ചത്. അടുത്താഴ്ച തന്നെ രാജ്യസഭാംഗത്വം രാജിവയ്ക്കുമെന്ന് പരീക്കര്‍ പറഞ്ഞു. നിയമസഭാ തിരഞ്ഞെടുപ്പിലെ അപ്രതീക്ഷിത തിരിച്ചടിക്ക് ശേഷം പരീക്കറിനെ രംഗത്തിറക്കിയാണ് ബിജെപി ഭരണം നിലനിര്‍ത്തിയത്.

നി​ല​വി​ൽ ല​ഖ്​​നോ​വി​ൽ നി​ന്നു​ള്ള രാ​ജ്യ​സ​ഭാം​ഗം കൂടിയാണ്​ പ​രീ​ക്ക​ർ​. മാ​ർ​ച്ചി​ലാ​ണ്​ പ​രീ​ക്ക​ർ ഗോ​വ മു​ഖ്യ​മ​ന്ത്രി പ​ദം ഏ​റ്റെ​ടു​ത്ത​ത്. 40 മ​ണ്ഡ​ല​ങ്ങ​ളി​ൽ 17 സീ​റ്റു​ക​ൾ നേ​ടി വ​ലി​യ ഒ​റ്റ​ക്ക​ക്ഷി​യാ​യ കോ​ൺ​ഗ്ര​സിന്റെ സ​ർ​ക്കാ​ർ രൂ​പ​വ​ത്​​ക​ര​ണ​സാ​ധ്യ​ത ത​ക​ർ​ക്കാ​ൻ ബിജെപി ദേ​ശീ​യ നേ​തൃ​ത്വം പ​രീ​ക്ക​റെ കേന്ദ്രമന്ത്രി സ്​ഥാനം രാജിവയ്പിച്ച്​ രം​ഗ​ത്തി​റ​ക്കു​ക​യാ​യി​രു​ന്നു. പരീക്കർക്കു വേണ്ടി പനജി എംഎൽഎ രാജിവച്ച്​ ഉപതിരഞ്ഞെടുപ്പിന്​ അവസരമൊരുക്കി.

വാൽ പോയിൽ ബിജെപി സ്​ഥാനാർഥിയും ഗോവ ആരോഗ്യമന്ത്രിയുമായ വിശ്വജിത്​ റാണെയും ജയിച്ചു​. പതിനായിരത്തോളം വോട്ടുകൾക്കാണ് റാണെ കോൺഗ്രസിന്റെ റോയ് നായിക്കിനെ പരാജയപ്പെടുത്തിയത്. കോൺഗ്രസിൽ നിന്ന്​ രാജിവച്ചാണ്​ വിശ്വജിത്​ റാണെ ബിജെപിയിൽ ചേർന്നത്​. ഡൽഹിയിലെ ബവാനയിൽ കോൺഗ്രസി​​ന്റെ സുന്ദ്രേർ കുമാറും ആന്ധ്രയിലെ നന്ദ്യാലിൽ തെലുങ്കുദേശം പാർട്ടിയുമാണ്​ മുന്നിട്ടു നിൽക്കുന്നത്​.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ