ന്യൂഡൽഹി: 2022 ഓടെ ഭവനരഹിതരായ എല്ലാവർക്കും വീട് നിർമ്മിച്ചു നൽകുമെന്ന് കേന്ദ്രധനമന്ത്രി അരുൺ ജെയ്റ്റ്‌ലി. ഒരു കോടി വീടുകൾ 2 വർഷത്തിനകം പൂർത്തിയാക്കും. ഉജ്ജ്വല പദ്ധതി പ്രകാരം 8 കോടി ദരിദ്ര വനിതകൾക്ക് സൗജന്യ ഗ്യാസ് കണക്ഷൻ നൽകും. സൗഭാഗ്യ പദ്ധതി പ്രകാരം 4 കോടി ദരിദ്ര കുടുംബങ്ങൾക്ക് സൗജന്യ വൈദുതി കണക്ഷൻ നൽകുമെന്നും ജെയ്റ്റ്‌ലി പറഞ്ഞു.

സ്വച്ഛ് ഭാരത് പദ്ധതി പ്രകാരം 6 കോടി കക്കൂസുകൾ പണിതു. അടുത്ത 2 വർഷം കൊണ്ട് 2 കോടി കക്കൂസുകൾ കൂടി പണിയും.

ദേശീയ ആരോഗ്യ സംരക്ഷണ പദ്ധതിയിൽ 10 കോടി കുടുംബങ്ങളെ ഉൾപ്പെടുത്തും. ഒരു കുടുംബത്തിന് പ്രതിവർഷം 5 ലക്ഷം രൂപ വരെ ഇൻഷുറൻസ് ഈ പദ്ധതി വഴി ലഭ്യമാക്കും. ഇതോടെ 50 കോടി ജനങ്ങൾക്ക് ഇതിന്റെ പ്രയോജനം ലഭിക്കും. ലോകത്തെ ഏറ്റവും വലിയ ആരോഗ്യ സുരക്ഷാ പദ്ധതിയാണിത്.

24 പുതിയ മെഡിക്കൽ കോളേജുകൾ തുടങ്ങും. ജില്ലാ ആശുപത്രികളെ മെഡിക്കൽ കോളേജുകളാക്കി ഉയർത്തുമെന്നും ധനമന്ത്രി പറഞ്ഞു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ