ഇസ്​ലാമാബാദ്​: മുംബൈ ഭീകരാക്രമണത്തിന്റെ സൂത്രധാരനും ജമാഅത്തുദ്ദവ തവലനുമായ ഹാഫിസ്​ സഈദിനെ വീട്ടു തടങ്കലില്‍ ആക്കി ദിവസങ്ങള്‍ക്കം സംഘടന പേരു മാറ്റിയതായി വിവരം. തെഹരീക്​ ആസാദി ജമ്മുകശ്​മീർ എന്ന പേരിൽ പുതിയ സംഘടനയായാണ്​ പ്രവർത്തിക്കുക.

‘കശ്​മീരിന്​ അടിയന്തിരമായി സ്വാതന്ത്ര്യം’ എന്നാണ്​ തെഹ്​രീക്​ അസാദി ജമ്മുകശ്​മീർ അർഥമാക്കുന്നത്​. സഈദിനെ അറസ്​റ്റ്​ ചെയ്​ത് സംഘടനയുടെ പ്രവർത്തനം പാകിസ്ഥാന്‍ അടിച്ചമര്‍ത്തിയതിന് പിന്നാലെയാണ് സംഘടന പേര് മാറ്റിയത്.

അറസ്​റ്റിന്​ ഒരാഴ്​ച മുമ്പ്​ പുതിയ സംഘടനയെ ഹാഫിസ് സഈദ് കുറിച്ച്​ സൂചിപ്പിച്ചിരുന്നു.

ജമാഅത്തുദ്ദ​അ്​വ​യെയും ഫലാഹെ ഇൻസാനിയറ്റ്​ ഫൗണ്ടേഷനെയും അടിച്ചമർത്താനുള്ള പാക് നീക്കം മണത്തറിഞ്ഞ സഈദ്​ എങ്ങനെ ഇതിനെ മറികടക്കാം എന്നതിനെ കുറിച്ച്​ നേരത്തെ പദ്ധതി തയാറാക്കിയിരുന്നതായാണ് വിവരം. ഇതിനാായി പാക്സ്ഥാന്‍ ഏതെങ്കിലും തരത്തില്‍ സഹായിച്ചതായി വ്യക്തമല്ല.

രണ്ട്​ സംഘടനകളും പുതിയ പേരിൽ പ്രവർത്തനം ആരംഭിച്ചതായി സർക്കാറും സ്​ഥീരീകരിച്ചിട്ടുണ്ട്​.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ