കൊച്ചി: രാഷ്​ട്രീയ കൊലപാതക കേസുകളിൽ അടക്കം ഉൾപ്പെട്ട പ്രതികൾക്ക് ശിക്ഷായിളവ് നല്‍കാനുളള പട്ടികയ്ക്ക് അംഗീകാരം തേടി സംസ്ഥാന സര്‍ക്കാര്‍ ഹൈക്കോടതിയില്‍. തടവുശിക്ഷയിൽ ഇളവുനൽകാൻ അർഹരായവരെ ഉൾപ്പെടുത്തി തയാറാക്കിയ 739 പേരുടെ പട്ടികക്ക്​ അനുമതി നൽകണമെന്നാണ് ആവശ്യം.

സംസ്​ഥാന സർക്കാർ ഹൈകോടതിയിൽ. ഇവരുടെ പേരുകൾ ഗവർണർക്ക് ശിപാർശ ചെയ്തിട്ടുണ്ടെന്നും ശിക്ഷയിളവിന് അനുമതി നൽകണമെന്നുമാണ് സർക്കാർ നൽകിയ അപേക്ഷയിലെ ആവശ്യം.

രാഷ്​ട്രീയ കൊലപാതക കേസുകളിലെയടക്കം പ്രതികൾക്ക് ശിക്ഷയിളവ്​ നൽകാനുള്ള സർക്കാർ നീക്കം തടയണമെന്നാവശ്യ​പ്പെട്ട്​ തൃശൂരിലെ പൊതു പ്രവർത്തകൻ പി.ഡി. ജോസഫ് നൽകിയ ഹരജിയിലാണ് സർക്കാറി​​ന്റെ രേഖാമൂലമുള്ള അഭ്യർഥന.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ