പടിഞ്ഞാറത്തറ: ബാ​ണാ​സു​ര സാ​ഗ​ർ അ​ണ​ക്കെ​ട്ടി​ൽ കൊ​ട്ട​ത്തോ​ണി മ​റി​ഞ്ഞ്​ കാ​ണാ​താ​യ​വ​രിൽ ഒരാളുടെ കൂടി മൃതദേഹം ലഭിച്ചു. ചെമ്പുകടവ്​ സ്വദേശി വ​ട്ട​ച്ചോ​ട് ബി​നു (42)​വിന്റെ മൃതദേഹമാണ്​ ഇന്ന് രാവിലെ ലഭിച്ചത്​. കാണാതായ മറ്റു മൂന്നു പേരുടെതയും മൃതദേഹം കഴിഞ്ഞ ദിവസങ്ങളിലായി കണ്ടെത്തിയിരുന്നു.

ഇന്ന്​ രാവിലെ പടിഞ്ഞാറത്തറ എസ്​.​ഐയുടെ നേതൃത്വത്തിൽ നടത്തിയ തെരച്ചിലിൽ തീരത്തടിഞ്ഞ നിലയിലാണ്​ ബിനുവി​​​ന്റെ മൃതദേഹം കണ്ടെത്തിയത്​. പ​ന്ത്ര​ണ്ടാം മൈ​ൽ പ​ടി​ഞ്ഞാ​റേ​ക്കു​ടി​യി​ൽ വി​ൽ​സ​ൺ (50), മ​ണി​ത്തൊ​ട്ടി​ൽ മെ​ൽ​ബി​ൻ (34),കോ​ഴി​ക്കോ​ട് ജി​ല്ല​യി​ലെ ചെ​മ്പു​ക​ട​വ് സ്വ​ദേ​ശി​ക​ളാ​യ കാ​ട്ടി​ല​ട​ത്ത് സ​ചി​ൻ (20) എന്നിവരുടെ മൃതദേഹങ്ങളാണ് കരക്കടിഞ്ഞ നിലയിൽ നേരത്തെ കണ്ടെത്തിയത്. ഇതോടെ കാണാതായ എല്ലാവരുടെയും മൃതദേഹം ലഭിച്ചു.

ദിവസങ്ങളായി ഇവർക്കുവേണ്ടി നടത്തിയ തെരച്ചിലിനാണ്​ അവസാനമായത്​. ഞാ​യ​റാ​ഴ്ച രാ​ത്രി​യി​ലാ​ണ്​ ബാ​ണാ​സു​ര സാ​ഗ​ർ ഡാ​മി​​​​​​​​​​ന്റെ മ​ഞ്ഞൂ​റ പ​ന്ത്ര​ണ്ടാം​ മൈ​ലി​ലെ വെ​ള്ള​ക്കെ​ട്ടി​ൽ മീ​ൻ​പി​ടി​ക്കു​ന്ന​തി​നി​ടെ കൊ​ട്ട​ത്തോ​ണി മ​റി​ഞ്ഞ്​ നാ​ലു പേ​രെ കാ​ണാ​താ​യ​ത്. ഇ​വ​ർ​ക്കൊ​പ്പ​മു​ണ്ടാ​യി​രു​ന്ന മൂ​ന്നു പേ​ർ നീ​ന്തി​ര​ക്ഷ​പ്പെ​ട്ടി​രു​ന്നു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ