തിരുവനന്തപുരം: രാഷ്ട്രീയസംഘര്‍ഷങ്ങളുടെ പശ്ചാത്തലത്തില്‍ അരുണ്‍ജെയ്റ്റ്‌ലി ഇന്ന് കേരളത്തിലെത്തും. കേരളത്തിലെ സിപിഎം ഭരണത്തിനെതിരെ ദേശീയതലത്തില്‍ നടക്കുന്ന സംഘടിത നീക്കത്തിന്റെ ഭാഗമായാണ് സന്ദര്‍ശനമെന്നാണ് വിലയിരുത്തപ്പെടുന്നത്. സംസ്ഥാനത്ത് രാഷ്ട്രപതി ഭരണം ഏര്‍പ്പെടുത്തണമെന്നാവശ്യപ്പെട്ട് ആര്‍എസ്എസ് രംഗത്തെത്തിയതും ബിജെപി എംപിമാര്‍ പാര്‍ലമന്റില്‍ നടത്തിയ പ്രസ്താവനകളും ഇതിലേക്കാണ് വിരല്‍ചൂണ്ടുന്നത്.

രാ​​​വി​​​ലെ 11.15ന് ​​​പ്ര​​​ത്യേ​​​ക വി​​​മാ​​​ന​​​ത്തി​​​ൽ ത​​​ല​​​സ്ഥാ​​​ന​​​ത്തെ​​​ത്തു​​​ന്ന അ​​​രു​​​ണ്‍ ജയ്റ്റ്‌ലി, കൊ​​​ല്ല​​​പ്പെ​​​ട്ട ആ​​​ർ​​​എ​​​സ്എ​​​സ് പ്ര​​​വ​​​ർ​​​ത്ത​​​ക​​​ൻ രാ​​​ജേ​​​ഷി​​​ന്‍റെ വീ​​​ടു സ​​​ന്ദ​​​ർ​​​ശി​​​ക്കും. തു​​​ട​​​ർ​​​ന്ന് 12 ന് ​​​ശ്രീ​​​കാ​​​ര്യം ക​​​ല്ല​​​ന്പ​​​ള്ളി​​​യി​​​ൽ ന​​​ട​​​ക്കു​​​ന്ന അ​​​നു​​​സ്മ​​​ര​​​ണ​​​യോ​​​ഗ​​​ത്തി​​​ൽ പ​​​ങ്കെ​​​ടു​​​ക്കും. 1.30 ആ​​​റ്റു​​​കാ​​​ൽ അം​​​ബി​​​കാ ഓ​​​ഡി​​​റ്റോ​​​റി​​​യ​​​ത്തി​​​ൽ ത​​​ല​​​സ്ഥാ​​​ന​​​ത്തെ രാ​​​ഷ‌്‌​​ട്രീ​​യ സം​​​ഘ​​​ർ​​​ഷ​​​ങ്ങ​​​ളി​​​ൽ പ​​​രി​​​ക്കേ​​​റ്റ​​​വ​​​രെ​​​യും കു​​​ടും​​​ബാം​​​ഗ​​​ങ്ങ​​​ളെ​​​യും കാ​​​ണും.

മുന്‍കൂട്ടി തയ്യാറാക്കിയ തിരക്കഥയുടെ ഭാഗമായാണ് ബിജെപി എംപിമാര്‍ സ്പീക്കറുടെ പിന്തുണയോടെ പാര്‍ലമെന്റില്‍ പെരുപ്പിച്ച കണക്കുകളും അര്‍ധസത്യങ്ങളുമായി സിപിഎമ്മിനെതിരെ ആഞ്ഞടിച്ചത്. സംഘര്‍ഷങ്ങള്‍ അവസാനിപ്പിക്കാന്‍ ചര്‍ച്ചയ്ക്ക് തയ്യാറാണെന്ന് സിപിഎം ജനറല്‍ സെക്രട്ടറി തന്നെ വ്യക്തമാക്കിയിട്ടും അത് നിരസിച്ച് രാഷ്ട്രപതി ഭരണം സംസ്ഥാനത്ത് ഏര്‍പ്പെടുത്തണമെന്ന ആര്‍എസ്എസിന്റെ ആവശ്യവും അജണ്ടയുടെ ഭാഗമായാണ് വിലയിരുത്തപ്പെടുന്നത്.

ബിജെപി നേതാക്കള്‍ നല്‍കുന്ന കണക്കുകളും നുണപ്രചാരണങ്ങളും അതേപടി നിരത്തി ദേശീയമാധ്യമങ്ങളും സിപിഎമ്മിനെതിരെ പക്ഷം ചേര്‍ന്നു. പാക്കിസ്ഥാനെന്നും ഇസ്ലാമിക തീവ്രവാദത്തിന്റെ കേന്ദ്രമെന്നും വിളിച്ച് ഹിന്ദുക്കള്‍ക്ക് ജിവിക്കാന്‍ സാധ്യമല്ലാത്ത നാടാണ് കേരളമെന്ന് വരുത്തിതീര്‍ക്കാന്‍ നേരത്തേയും ദേശീയമാധ്യമങ്ങള്‍ ശ്രമിച്ചിട്ടുണ്ട്. അതിന്റെ തുടര്‍ച്ചതന്നെയാണ് ഇപ്പോഴും ആവര്‍ത്തിക്കുന്നത്.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ